20 November 2026

Հայ-լեհական համատեղ արտադրության «Կորցված, գտնված, թաքցված» վավերագրական ֆիլմն արժանացել է Կանադայում անցկացվող Տորոնտոյի «Նուռ» (Pomegranate Film Festival) կինոփառատոնի «Հանդիսատեսի ընտրություն» մրցանակին՝ վավերագրական ֆիլմ անվանակարգում։

Ֆիլմը լեհական «Կաթնեղբայր» հիմնադրամի և Հայաստանի կինոյի հիմնադրամի իրավանախորդ «Փաստավավերագրական ֆիլմերի «Հայկ» կինոստուդիայի» համատեղ արտադրությունն է։

Ռեժիսոր Վահրամ Մխիթարյանի հնգամյա հետազոտական աշխատանքի արդյունք հանդիսացող 58 րոպեանոց վավերագրական ֆիլմը բացահայտում է հռչակավոր Սկևռայի Ավետարանի դրամատիկ ճակատագիրը։ Այն պատմում է Երկրորդ համաշխարհային պատերազմի տարիներին միջնադարյան ձեռագրի անհետացման և 20-րդ դարի վերջին՝ գրեթե պատահականորեն հայտնաբերման մասին։

Ֆիլմը կամրջում է պատմական Կիլիկիան և ժամանակակից Լեհաստանը՝ ներկայացնելով հայկական մշակութային ժառանգության եվրոպական հետքը։ Ֆիլմի հեղինակներին հաջողվել է գտնել նաև այն մարդկանց, որոնց կյանքում Սկևռայի Ավետարանը թողել է անջնջելի հետք։

Ֆիլմի ստեղծումն իրականացվել է ՀՀ կրթության, գիտության, մշակույթի և սպորտի նախարարության, Լեհաստանի մշակույթի և ազգային ժառանգության, ինչպես նաև Ներքին գործերի և վարչակազմի նախարարությունների ու Միերաշևսկու կենտրոնի ֆինանսական աջակցությամբ։

 

  

Contacts

  • +374 (10) 52-20-32
  • +374 (10) 52-20-38
  • info@cfarmenia.am
  • Teryan 3a
×

Դուք չեք լրացրել բոլոր պահանջվող դաշտերը