Ապրիլի 25 2025
«Ազգային ֆիլմերի նախագծերի պետական ֆինանսավորման տրամադրման մրցույթների կազմակերպման և անցկացման» կանոնակարգի համաձայն ներկայացված հայտերը գնահատող փորձագիտական հանձնախմբերի տվյալների շտեմարանի համալրման մասին
Հայաստանի կինոյի հիմնադրամը (այսուհետ՝ Հիմնադրամ) հայտարարում է փորձագետների թեկնածուների անժամկետ հավաքագրում` ազգային ֆիլմերի նախագծերի պետական ֆինանսավորման տրամադրման մրցույթներում Փորձագիտական հանձնախմբերի ձևավորման համար ստեղծված տվյալների շտեմարանը համալրելու նպատակով:
Փորձագիտական հանձնախմբերում ընդգրկվելու համար հայտ կարող են ներկայացնել կինոոլորտում առնվազն 5 (հինգ) տարվա մասնագիտական փորձ ունեցող ստեղծագործական և ոչ ստեղծագործական հետևյալ մասնագիտությունների ներկայացուցիչներ՝ պրոդյուսեր (ֆիլմարտադրող), ռեժիսոր, սցենարիստ, օպերատոր, նկարիչ, մոնտաժի ռեժիսոր/կինոխմբագիր, կինոգետ, որոնք հեղինակել կամ արտադրել են.
- լիամետրաժ ֆիլմերի նախագծերի հանձնախմբում ընդգրկվելու համար` առնվազն երկու լիամետրաժ ֆիլմ, կինոգետները՝ 3 (երեք) վերլուծական հոդված,
- կարճամետրաժ ֆիլմերի նախագծերի հանձնախմբում ընդգրկվելու համար` առնվազն մեկ լիամետրաժ կամ երկու կարճամետրաժ ֆիլմ, կինոգետները՝ 3 (երեք) վերլուծական հոդված:
Նախապատվությունը տրվում է ներքոնշյալ միջազգային ձեռքբերումներից որևէ մեկն ունեցող թեկնածուներին.
- մասնակցություն միջազգային կինոփառատոնի
- անդամակցություն միջազգային կինոփառատոնի ժյուրիի
- միջազգային կինոփառատոնի մրցանակ
- համաարտադրության փորձ
- կինոգետները՝ կինոարվեստի վերաբերյալ աշխատություն կամ վերլուծական հոդվածների ժողովածու կամ միջազգային որևէ լեզվով արտերկրում հրատարակված վերլուծական հոդված:
Ծանոթություն`
Հիմնադրամի և Փորձագիտական հանձնախմբի անդամի միջև կնքվում է պայմանագիր, որը պարտադիր պարունակում է հետևյալ պայմանները.
- Փորձագիտական հանձնախմբի անդամը չի կարող լինել Հիմնադրամի կամ լիազորված պետական մարմնի աշխատակից:
- Փորձագիտական հանձնախմբի անդամը և նրա հետ փոխկապակցված անձինք (հայրը, մայրը, ամուսինը, կինը, ամուսնու և կնոջ ծնողները, տատը, պապը, քույրը, եղբայրը, երեխաները, քրոջ ու եղբոր ամուսինը և երեխաները, ինչպես նաև՝ նրանց ղեկավարած կազմակերպությունները ու նրանց աշխատակիցները) հանձնախմբերում անդամի ընդգրկվածության ողջ ժամանակահատվածի համար չեն կարող մասնակցել տվյալ անվանակարգի մրցույթին և չեն կարող ընդգրկված լինել տվյալ անվանակարգի մրցույթին ներկայացված ֆիլմերի նախագծերի հիմնական ստեղծագործական կազմերում:
- Փորձագիտական հանձնախմբերի անդամները պարտավորվում են իրենց տրամադրված նյութերի գաղափարները, մոտիվները, մտահղացման և այլ ստեղծագործական գաղտնիքները չօգտագործել այլ նպատակներով, բացի «Ազգային ֆիլմերի նախագծերի պետական ֆինանսավորման տրամադրման մրցույթների կազմակերպման և անցկացման» կանոնակարգով իրենց տրամադրված նյութերը ուսումնասիրելու և գնահատելու համար սահմանված նպատակներից:
«Ազգային ֆիլմերի նախագծերի պետական ֆինանսավորման տրամադրման մրցույթների կազմակերպման և անցկացման» կանոնակարգը և անհրաժեշտ ձևաթղթերը տեղադրված են Հիմնադրամի պաշտոնական www.cfarmenia.am կայքէջի ՄՐՑՈՒՅԹՆԵՐ բաժնում:
Վերոնշյալ չափորոշիչներին համապատասխանող փորձագետների տվյալների շտեմարանում ընդգրկվելու համար բոլոր թեկնածուները պետք է առցանց՝ Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։ էլեկտրոնային հասցեին ուղարկեն իրենց լուսանկարով ընդլայնված կենսագրական՝ հանգամանորեն ներկայացնելով իրենց կրթական, մասնագիտական և առաջխաղացման բոլոր մանրամասները, ինչպես նաև՝ իրենց հետ կապ հաստատելու տվյալներ` հեռախոսահամար, էլեկտրոնային փոստի հասցե և այլն:
