Փետրվարի 27 2024
2024 թվականի մարտին Բիշքեկում կանցկացվի Երիտասարդ կինոյի «Ումուտ» տասնմեկերորդ ֆորումը (ճշգրիտ ժամկետները կհրապարակվեն www.iffumut.com, www.kyrgyzcinema.com կայքերում): Ֆորումն անց է կացվում Ղրղզստանի Հանրապետության մշակույթի, տեղեկատվության, սպորտի և երիտասարդության քաղաքականության նախարարության կինեմատոգրաֆիայի վարչության կողմից՝ ԱՊՀ անդամ պետությունների հումանիտար համագործակցության միջպետական հիմնադրամի ֆինանսական աջակցությամբ։
Ֆորումի նպատակն է բացահայտել նոր ռեժիսորական անուններ, աջակցել տաղանդավոր երիտասարդներին, պայմաններ ստեղծել ԱՊՀ երկրների միջև երկխոսության զարգացման համար, կինոարվեստի և ընդհանրապես մշակույթի ոլորտում։
Մրցութային ծրագրերին մասնակցելու համար ընդունվում են մինչև 30 րոպեանոց կարճամետրաժ գեղարվեստական, վավերագրական և անիմացիոն ֆիլմեր, որոնք ստեղծվել են 2022-2024 թվականներին երիտասարդ ռեժիսորների կողմից։
Խնդրում ենք մասնակցության հայտ ներկայացնելու դեպքում տեղեկացնել նաև Կինոկենտրոնին:
Մանրամասներին կարող եք ծանոթանալ կից ֆայլում` սեղմիր
