Մայիսի 23 2024
Սիրով տեղեկացնում ենք, որ ամփոփվել են Հայաստանի ազգային կինոկենտրոնի հետ համագործակցությամբ Ֆրանսիայի Կինեմատոգրաֆիայի և անիմացիոն պատկերի ազգային կենտրոնի (CNC- Centre National du Cinéma et de l’Image Animée) և Արվեստի միջազգային կենտրոնի (Cité internationale des arts) կողմից իրականացվող սցենարական դասընթացի համար դրամաշնորհի մրցույթի արդյունքները: Առաջին փուլ անցած երեք նախագծերից (Արտավազդ Եղիազարյան /լիամետրաժ անիմացիոն ֆիլմ՝ «Վիշապն ու Վահագնը», Մարիա Բալասանյան/ լիամետրաժ անիմացիոն ֆիլմ՝ «Վովա», Օվսաննա Գևորգյան /լիամետրաժ դրամա «Սիրտս նման է էն փլած տներ»), Ֆրանսիայի Կինեմատոգրաֆիայի և անիմացիոն պատկերի ազգային կենտրոնի և Արվեստի միջազգային կենտրոնի կողմից հաղթող է ճանաչվել Օվսաննա Գևորգյանի «Սիրտս նման է էն փլած տներ» նախագիծը:
Հայաստանի ազգային կինոկենտրոնը ջերմորեն շնորհավորում է Օվսաննա Գևորգյանին և մաղթում հաջողություն:
